葵樹

暫託嗌佢做葵鼠，唔知佢聽唔聽得明呢🤔佢一開始會驚驚豬又怕醜，但熟咗就勁痴人，attention seeker嚟，又鐘意瞓落人類嘅肚度～明明嗌緊屋企啲貓，葵樹都會以為嗌自己🤡你同其他貓講嘢大聲啲佢都以為你鬧緊貓，會怒喵返你轉頭，叫奴才收聲咁解😌
葵樹唔係一嚟就可以夾到其他貓，一開頭見到會惡佢哋，但又唔會動粗🫱🏻，住咗兩個月左右先開始會痴住其他貓瞓🫣其實佢心底裏係都鐘意有fd子，但如果原住貓易呷醋就要留意，諗清楚先好交form！
因為之前葵樹隻眼用咗好長時間先醫返好，所以佢未打過預防針同未做絕育。如無意外嘅，10月會覆最後一次診，睇吓打唔打到第一次預防針，之後就要交返畀就要交返畀奴才啦🙌🏿
早前有個婆婆本身屋企有4隻貓，但佢中咗COVID ，入院冇耐後走咗。幫手餵貓嘅朋友仔就搵咗不同義工機構，但都話收唔到，或者唔覆。毛家原本都爆晒冇位，但見咁多日都冇人理，伙伴就上去睇。一上到去見到周圍都係發霉嘅屎尿，而且啲貓好驚，有隻明顯眼有事，個鼻撞損晒，有兩隻就甩晒毛。
4隻貓貓改名叫樂樹、葵樹、楓樹及桃樹。