阿汪

當初喺路邊命懸一線嘅阿汪已經好返晒，下巴嘅釘都已經拆咗！單眼阿汪好親人親貓，最鍾意就係同暫託沖涼，同埋痴住原住民嘅貓貓一齊瞓覺，就算陌生人都唔驚㗎；
求助人返屋企時見到喺路邊浴血嘅阿汪，之後經浪浪送行者搵咗我哋。伙伴送去附近診所後再轉咗去VSH。 阿汪目前仲係危險期，雖然呼吸尚算穩定，但體溫偏低，而且雙眼瞳孔擴大收縮程度不一。醫生就話除咗阿汪下顎錯位問題，更令人擔心嘅係佢頭部應該有受過撞擊，大腦有機會有震盪或者內出血之類嘅創傷；因未知係咪有腹水，要再做超聲波。醫生會mon住阿汪大腦創傷有冇好轉，幫佢吊鹽水、聞氧同埋落藥。 除此之外，醫生話佢口腔部分都有骨折嘅情況，由於上顎同頭骨連住，比較難處理，相信要等佢慢慢復原。而阿汪右邊下顳顎關節（TMJ），而家係分開咗，會影響進食。醫生建議切除嗰部分嘅尾段，咁就唔會 影響食嘢，但有機會下顎會移少少位。