魚蛋

求助人做嘢嗰度識有個叔叔，就話2年前有人送咗2隻黃貓(燒賣同魚蛋)畀佢，但成日抓到佢全身傷，所以諗住送去SPCA或者就咁放佢哋喺街😐求助人即刻截停佢，好彩叔叔都應承唔放走住，之後貓貓就嚟到毛家啦；魚蛋名副其實，身型都成粒魚蛋咁肥揗揗（騰騰），皆因佢超為食，而家應該有7-8kg，伙伴為佢實行減肥大計中，希望成功😀佢同香港人一樣熱愛自由，如果困住佢會唔開心同發脾氣🤨雖然係為食，但魚蛋係超級玻璃肚，目前只有食凍乾先唔屙爛屎🤥
但魚蛋有開口抖氣同呼吸快既情況，醫生話佢依家心肺係清嘅，有機會係換氣唔好，最好要食supplement，同埋留意住佢有冇惡化到，有要再做進一步檢查。