moshi

求助人發現有隻貓被車撞到，就車咗佢去附近醫院。醫生話貓貓傷勢好嚴重，冇得救，救嘅話要幾萬蚊。求助人問我哋我哋問點算好，一嚟有錢嘅concern，二嚟想問多個意見，因為佢哋對醫生講法存疑，覺得醫生摸咗兩摸就咁講。伙伴之後就叫氧氣車，接咗貓貓去睇多個醫生。醫生話佢體溫過低，只有33度，頭骨懷疑骨折、頸椎骨折，驚佢惡化，顱內壓升高，要第二朝再安排照CT先知道之後點做，情況非常唔樂觀。

結果嗰晚貓貓捱唔住走咗，之後為佢安排咗善終。求助人幫佢改咗名叫moshi，因為事發後安排緊搵醫生嗰陣，求助人一直都安慰住貓貓同佢講冇事冇事，因而取此名。