承蒙大家一直以嚟嘅支持，以及不同fans club嘅物資同捐款，令早2個月嘅財政結餘>30萬，伙伴想鬆一口氣之際，發現說話唔可以亂講，嘢都唔可以亂諗 - 幾隻重症/ 長期病/ 重傷嘅貓貓嚟到連寵，又或者突然發現原來罹患大病，包括：
阿汪：浴血當場嘅佢而家等切眼仔，仍然做大手術，已花費>13萬
暴風：睇完醫生入咗icu住院，覆診再照CT MRI>5萬
小新：突然唔舒服，懷疑fip，落2個星期針後再覆診驗超聲波>預計睇醫生，買針，食supplement >4萬
臭臭：之前太細個做唔到任何檢查，所以做住矯形，等大少少再照。照後發現唔止腳嘅問題，佢天生胸椎畸形，壓住中樞神經令下肢冇知覺，而且中肺炎，個肺花晒，入左醫院，將來亦可能要神經手術，已用6萬，手術未知
衰妹：突發下體流血，之後開肚生bb，但兩隻bb都先後去彩虹橋，而且發現佢心同腎有事，fiv令佢口炎都好嚴重，費用>2萬
幸幸：已確認唔能夠行返，餘生都需要人類密切照顧。醫生為佢繼續觀察，以防再惡化，絕育同皮膚醫療費用>3萬
大白：有日突然發高燒，醫生懷疑佢炎症同脾臟有事，照超音波後發現佢腎有事，一大一細，脾有陰影，而家嘗試緊食SUPPLEMENT控制，醫療費用>1.6萬
唔同貓貓嘅身體狀況令伙伴近來都手忙腳亂，瘋狂燒錢後流動結餘更已得返幾千蚊，財政捉襟見肘，但更徬徨嘅係咁多貓貓需要我哋嘅幫助。如果你願意向連寵伸出援手，請dm我哋，幫貓貓同連寵度過呢場難關。
—————— 連寵拯救隊為香港註冊慈善團體，捐款$100或以上即可憑收據申請扣減稅項。
歡迎經以下途徑捐款給我們。 大新銀行户口：040-748-158-16504 轉數快快速支付號碼：101046621 / 8884819 Payme：https://payme.hsbc/lunapwy
連寵由全義工組成，所有公眾嘅捐助都會全數用於動物身上，每月月頭都會發佈報表以及物資表供公眾查閱。希望您願意為連寵動物們伸出援手，支持連寵伙伴嘅行動。
另外，我哋長期徵收成貓幼貓糧、豆腐砂、Revolution/Frontline、2.5/3呎籠等物資，如您有意捐贈亦可以PM我地。
無論係物資定係資金都係對動物們嘅一個溫暖嘅祝福在此代連寵動物們感謝各位
Comments